Riċerka Ekonomika
Is‑serje tal‑Working Papers tal‑Bank tippreżenta r‑riżultati ta' xogħol ta' riċerka li jsir mill‑istaff tal‑Bank dwar suġġetti relatati mal‑funzjonijiet tal‑Bank, speċjalment dwar kwistjonijiet ekonomiċi. Huma kkunsidrati bħala "xogħol li jkun għaddej", u l‑opinjonijiet espressi huma dawk tal‑awturi. Barra mill‑iskop ta' disseminazzjoni tar‑riżultati tar‑riċerka tal‑Bank, jiġu ppubblikati biex jisiltu kummenti u jkomplu jħeġġu d‑diskussjoni. Kultant, il-Bank jippubblika working papers miktuba minn ekonomisti oħrajn fis-serje tiegħu ta' Working Papers. Is‑serje tal‑Working Papers tal‑Bank tiġi riveduta mill-pari internament u esternament.
Is-serje ta' Policy Notes tirreferi għal sommarji qosra dwar kwistjonijiet magħżula ta' politika, relatati mal-ekonomija Maltija. Din is-serje tiġi riveduta internament.
L-ekonomisti tal-Bank huma inkoraġġiti sabiex jippubblikaw ir-riċerka tagħhom f'pubblikazzjonijiet esterni. Il-links għal dan ix-xogħol ta' riċerka, li mhux dejjem ikun relatat direttament mal-funzjonijiet tal-Bank, jinsabu hawn taħt. Il-fehmiet espressi f'dawn id‑dokumenti, li għaddew minn proċess ta' reviżjoni mill-pari, huma dawk tal-awturi.