TARGET2-Securities
Il-Bank Ċentrali ta' Malta, bħala parti mill-Eurosistema, kien involut fl-implimentazzjoni tat-TARGET2-Securities (T2S). L-iżvilupp u l-operat ta' din il-pjattaforma kienu fdati f'idejn erba' banek ċentrali, li huma d-Deutsche Bundesbank, il-Banque de France, il-Banca d'Italia u l-Banco de España. It-T2S bdiet topera fit-22 ta' Ġunju 2015 u l-Bank Ċentrali ta' Malta, flimkien mal-Borża ta' Malta, kienu fost l-ewwel istituzzjonijiet li ssieħbu fis-sistema fl-ewwel grupp ta' migrazzjoni lejha.
Il-kunċett tat-T2S hu bbażat fuq il-"mudell integrat", li hu amalgamazzjoni ta' saldu, bi flus tal-banek ċentrali u ta' titoli fuq pjattaforma waħda fil-modalità ħlas mal-kunsinna (DvP). Il-bażi għal dan hi l-Pjattaforma Unika Komuni (SSP) tal-Eurosistema, li fuqha diġà qed titħaddem is-sistema ta' ħlas gross f'ħin reali (TARGET2).
It-T2S għandha l-karatteristiċi li ġejjin:
- hi proprjetà tal-Eurosistema u ġiet żviluppata u topera abbażi ta' rkupru ta' spejjeż;
- tikkostitwixxi bidla infrastrutturali kbira għas-swieq finanzjarji tal-Ewropa li toħloq suq intern għas-saldu;
- tagħmel is-swieq aktar siguri u aktar effiċjenti;
- għandha pjattaforma tal-IT unika għas-saldu bażiku, newtrali u transkonfinali ta' titoli;
- tnaqqas it-tariffi tas-saldu;
- twettaq saldu DvP f'ħin reali bi flus tal-banek ċentrali;
- tipprovdi lill-banek tfaddil sinifikanti f'garanzija u likwidità;
- tinkludi pjattaforma ta' ħafna muniti;
- tagħti servizz lid-Depożitorji Ċentrali tat-Titoli (CSDs), iżda mhijiex CSD;
- toffri firxa sħiħa ta' benefiċċji mhux biss f'termini ta' ffrankar ta' prezzijiet u garanzija, iżda wkoll f'termini ta' tnaqqis tar-riskju, ir-razzjonalizzazzjoni tal-back office, żieda fil-kompetizzjoni u opportunitajiet ġodda ta' negozju.
Aktar informazzjoni dwar it-T2S tinsab hawn.