Aġġornamenti dwar Coronavirus (COVID-19)

Il‑Bank Ċentrali ta' Malta ilu bir‑reqqa jsegwi l‑iżviluppi fir‑rigward tal‑imxija tal‑coronavirus (COVID‑19). Il‑Bank ħa - u ser ikompli jieħu - il‑prekawzjonijiet kollha biex jipproteġi lill‑impjegati tiegħu, lill‑kuntratturi u l‑viżitaturi.

PREKAWZJONIJIET TA' SAĦĦA

Il‑Bank issospenda l‑ivvjaġġar fuq xogħol u taħriġ minn u lejn Malta sakemm jinħareġ avviż ieħor.
F'konformità mal‑pariri tal‑Organizzazzjoni Dinjija tas‑Saħħa dwar l‑importanza li jitrażżan il‑virus, il‑Bank qiegħed jipposponi laqgħat u avvenimenti mhux essenzjali biex jitnaqqas ir‑riskju tal‑imxija tal‑virus.
Dawk li jżuru l‑Bank, inklużi l‑kuntratturi, qed jiġu mitlubin jivverifikaw li jikkonformaw mal‑linji gwida tal‑awtoritajiet tas‑saħħa fir‑rigward tal‑ivvjaġġar jew l‑esponiment possibbli tagħhom.
B’effett mit-Tnejn, 11 ta’ Mejju 2020, il-partijiet terzi kollha li jżuru l-Bank huma ġentilment mitluba jilbsu maskra jew visor, skont l-istruzzjonijiet tal-Awtoritajiet tas-Saħħa. Ser tiġi ċċekkjata wkoll it-temperatura tal-ġisem. Dan sabiex tiġi assigurata s-saħħa tiegħek u tal-impjegati tagħna. Grazzi tal-koperazzjoni tagħkom.
Cash poses no particular risk of infection for public (Johannes Beermann, Bundesbank)

AVVIŻI ĠENERALI

Il-counter tal-Malta Coin Centre fil-bini prinċipali ikun miftuħ matul il-ġimgħa mit-08:30am sa 12:00pm. Qed jittieħdu l-prekawzjonijiet kollha ta’ saħħa, inkluż l-ilbies obbligatorju tal-maskri. Jekk jogħġbok innota li x-xiri xorta jista’ jsir permezz tal-eshop.
Il-Mużew tal-Flus issa hu miftuħ għall-viżitaturi fil-ħinijiet normali tal-ftuħ. Tista' wkoll iżżur il-Mużew tal-Flus virtwalment.
Il‑Librerija tal‑Bank Ċentrali ta' Malta hija miftuħa għar‑riċerkaturi b'appuntament biss. Ikklikkja hawn għad‑dettalji.
Dawk il-persuni li jinħtieġu rapport mir‑Reġistru Ċentrali tal‑Kreditu jistgħu jagħmlu talba għalih permezz tal‑proċeduri normali u jirċivuh permezz ta' posta reġistrata jew bl‑email.

MIŻURI MEĦUDIN MILL-BANK

L-aħħar emendi fid-Direttiva Nru 16 dwar il-Miżuri tas-Self - 29 ta' Novembru 2021.
Riattivazzjoni tal-Moratorji - 14 ta' Jannar 2021.
Emendi fid-Direttiva Nru 8 dwar l-istrumenti u l-proċeduri tal-politika monetarja - 31 ta' Diċembru 2020.
Emendi fid-Direttiva Nru 16 dwar il-Miżuri tas-Self - 1 ta' Ġunju 2020.
Sitt xhur moratorju fuq ħlasijiet lura tas-self - Aqra l-linji gwida għall-moratorju hawn - 13 ta' April 2020.
Ċekkijiet 'payee only' issa jistgħu jiġu ddepożitati minn partijiet terzi - 25 ta' Marzu 2020.

RIĊERKI U ANALIŻI RELATATI MAL-COVID-19

LINKS ESTERNI

Il‑Bank jinkoraġixxi lill‑pubbliku biex iżomm ruħu infurmat dwar l‑aħħar tagħrif fuq l‑imxija ta' COVID‑19, disponibbli fuq is‑sit elettroniku tal‑WHO u tal‑awtorità nazzjonali tas‑saħħa.

Aqra hawn il‑messaġġ tal‑Gvernatur lill‑pubbliku - 13 ta' Marzu 2020.

Ħafna nies li jiġu infettati jesperjenzaw marda ħafifa u jirkupraw, iżda tista' tkun aktar severa għal oħrajn. Il‑WHO tagħti parir lil kull min għandu sogħla ħafifa jew deni bi grad baxx (37.3°C jew aktar) biex joqgħod id‑dar.