Il-Karti tal-Flus tal-Euro tal-Futur
Uri fehimtek dwar il-karti tal-flus tal-euro tal-futur! Tmien miljun persuna diġà qasmu l-fehmiet tagħhom. Imiss lilek tipparteċipa fl-istħarriġ ukoll!
Il-Bank Ċentrali Ewropew (BĊE) żvela għaxar disinji magħżula għall-karti tal-flus tal-euro futuri, u issa jmiss lilek sabiex taqsam il-fehmiet tiegħek. Inti mistieden/na biex tipparteċipa fl-istħarriġ online sal-21 ta' Settembru 2026.
Ir-rispons tal-pubbliku ser ikollu rwol importanti biex jgħin lill-Kunsill Governattiv jagħżel id-disinn finali, li mistenni jitħabbar sa tmiem l-2026.
Stħarriġ Pubbliku Online
Il-BĊE huwa mistenni jiddeċiedi dwar id-disinn finali tal-karti tal-flus il-ġodda sa tmiem l-2026. F'data aktar tard, ser tittieħed deċiżjoni dwar meta għandha tiġi introdotta s-serje l-ġdida tal-karti tal-flus tal-euro, pass importanti li jenfasizza l-impenn tal-Bank Ċentrali Ewropew favur il-flus kontanti. Il-parteċipazzjoni tal-pubbliku għandha rwol vitali f’dan il-proċess, peress li r-rispons li jasal permezz tal-istħarriġ ser jgħin biex id-deċiżjoni tal-Kunsill Governattiv tkun infurmata. Filwaqt li d-disinn magħżul ser jirrifletti l-fehmiet tan-nies madwar l-Ewropa, ikun hemm bżonn is-snin qabel ma l-karti l-ġodda tal-euro jidħlu fiċ-ċirkolazzjoni.
L-istħarriġ pubbliku online huwa disponibbli bil-lingwa preferuta tiegħek u jieħu ftit minuti biex jitlesta. Sempliċement żur 
l-istħarriġ jew skennja l-kodiċi QR biex tipparteċipa.
Segwi l-proposti futuri għad-disinn tal-karti tal-flus tal-euro.
Filmat ta' TVM News
Intervista Sħiħa - TVM News