06/08/2025

Delegazzjoni tar-Renju ta' Asante tagħmel żjara ta' korteżija lill-Gvernatur tal-Bank Ċentrali

L-Altezza Rjali tiegħu Oheneba Yaw Otchere, il-Prinċep Rjali tar-Renju ta' Asante, għamel żjara ta' korteżija lill-Gvernatur tal-Bank Ċentrali ta' Malta, il-Professur Edward Scicluna, nhar it-Tlieta, 5 ta' Awwissu 2025.

Il-laqgħa, li saret fl-Uffiċċju tal-Gvernatur, ipprovdiet pjattaforma għal skambju kordjali u produttiv dwar kwistjonijiet ta' interess reċiproku, b'mod partikolari t-tisħiħ tar-rabtiet kulturali u l-promozzjoni tal-kooperazzjoni ekonomika bejn il-Ghana u Malta.

L-Altezza Rjali tiegħu kien akkumpanjat mis-Sinjura Henrietta A. Tettah, Chargé d'Affaires; Is-Sur Evans Amoah Nyamekye, Konsulent Legali Speċjali għat-Trust tal-Investiment ta' Ashanti; Sir David Gibson-Moore, Konsulent Anzjan; u s-Sur Peter Kwasi Dadzie, Segretarju tat-Trust tal-Investiment ta' Ashanti.

Attendew ukoll uffiċjali mill-Ministeru għall-Affarijiet Barranin u Ewropej u l-Kummerċ ta' Malta, inkluża s- Sinjura Alberta Borg, Direttur għall-Iżvilupp Internazzjonali, l-Affarijiet Ekonomiċi u l-Istituzzjonijiet Ewropej; Is-Sur Bernard Hamilton, Konsulent Anzjan u Kap tal-Unità tad-Diplomazija Kummerċjali; u s-Sinjura Sarah Xuereb, it-Tieni Segretarju.

Flimkien mal-Gvernatur tal-Bank Ċentrali ta' Malta kien hemm id-Deputat Gvernatur is-Sur Alexander Demarco, is-Sur Benoit Walkens, Uffiċjal Kap - Operazzjonijiet Bankarji; Is- Sinjura Amy Camilleri, Kap - Dipartiment tal-Kontroll Finanzjarju; Is-Sur Ian Sapiano, Kap - Dipartiment tal-Ġestjoni tal-Assi Finanzjarji; u s-Sinjura Bernardette Micallef, Maniġer tal-Portafoll. 

Din iż-żjara tenfasizza l-impenn kontinwu kemm tal-Ghana kif ukoll ta' Malta li jrawmu d-djalogu internazzjonali u japprofondixxu r-relazzjonijiet bilaterali fl-oqsma kulturali u ekonomiċi.

Ritratt: Melvin Bugeja/Bank Ċentrali ta' Malta

 

Lura lejn l-Arkivju