News

News - Stqarrijiet tal-Aħbarijiet 2021

15/07/2021

Xogħlijiet tal-arti ta’ Emvin Cremona mislufin għall-wiri

Erba' pitturi mill-artist rinomat Emvin Cremona ġew mislufin mill-Bank Ċentrali ta' Malta biex jiġu esibiti f'wirja fil-mużew Il-Ħaġar tar-Rabat, Għawdex.

Madwar 90 biċċa xogħol tal-arti - inklużi xi wħud mill-familja tal-mibki Cremona - ser ikunu esibiti, inklużi d-disinji filateliċi prolifiċi tiegħu. Katalogu li jkopri x-xogħlijiet esibiti fil-wirja nħareġ mill-mużew.

Il-Bank Ċentrali ta' Malta għandu għaxar xogħlijiet ta' Cremona bħala parti mill-kollezzjoni tiegħu li tkopri l-biċċa l-kbira tal-artisti l-kbar Maltin.

Il-wirja tifforma parti mill-Victoria International Arts Festival miftuħa sat-28 ta' Awwissu 2021.

Cremona (27 ta' Mejju 1919 - 29 ta' Jannar 1987) studja fil-Malta School of Arts u fir-Regia Accademia delle Belle Arti f'Ruma. Ix-xogħlijiet tiegħu jinsabu f'diversi pajjiżi, inklużi l-kwartieri ġenerali tal-Organizzazzjoni Dinjija tas-Saħħa f'Ġinevra, u l-kwartieri generali tan-Nazzjonijiet Uniti fi New York.

Ippakkjar tax-Xogħlijiet tal-Arti

Xogħlijiet tal-arti ta’ Emvin Cremona mislufin għall-wiri

Lura lejn l-Arkivju