25/04/2024

Il-Kumitat tal-Klabb Soċjali tal-Bank Ċentrali ta’ Malta jikkollabora mal-inizjattiva Jacob’s Pay It Forward Coffee Van

Il-Kumitat tal-Klabb Soċjali tal-Bank Ċentrali ta’ Malta b’sodisfazzjon ikkollabora mal-inizjattiva Jacob’s Pay It Forward Coffee Van għal attività ta’ karità. Jacob’s Pay It Forward Coffee Van għandu l-għan li jxerred l-imħabba lejn xulxin u li jħalli impatt tanġibbli fil-komunità tagħna. Il-qligħ mill-bejgħ mill-vann imur għall-finanzjament tal-inizjattiva Jacob’s Coffee Run, proġett li jipprovdi sandwiches u kafè b’xejn lill-familji fil-qasam tal-kura intensiva fl-Isptar Mater Dei.

Fl-24 ta’ April, Jacob żar il-Bank u qasam ukoll l-esperjenzi tiegħu u ddiskuta l-inizjattivi tiegħu, bil-għan li jispira u jeduka dwar is-saħħa tal-komunità u li tagħti lura. Impjegati tal-Bank ikkontribwew għal din il-kawża nobbli billi xtraw kafè u prodotti oħra mill-Coffee Van. Aktar tard mal-ġurnata, Jacob mexxa laqgħa qasira li għaliha attenda wkoll il-Gvernatur il-Professur Edward Scicluna u diversi impjegati.

Il-Kumitat tal-Klabb Soċjali tal-Bank Ċentrali ta’ Malta u Jacob’s Pay It Forward Coffee Van jixtiequ jestendu l-gratitudni tagħhom għal dawk kollha li attendew u kkontribwew għal din l-attività. Fil-ġurnata nġabret is-somma ta’ €300, li ser tintuża biex tkompli tikber il-missjoni tal-inizjattiva Jacob’s Coffee Run.

Ritratti: Veronica Sant

Lura lejn l-Arkivju