|
Is‑sett jinkudi t‑tmien muniti tal‑euro Maltin u munita taż‑€2 li turi t‑tempji preistoriċi ta' Ħal Tarxien. Din il‑munita hija s‑sitt waħda minn serje ta’ seba’ muniti ddedikati għal siti preistoriċi uniċi ta’ Malta. Il‑muniti kollha fis‑sett huma ta’ kwalità brilliant uncirculated, u kienu maħduma fil‑Monnaie de Paris fi Franza. In‑naħat nazzjonali tal‑muniti tal‑euro u l‑munita kommemorattiva taż‑€2 kienu ddisinjati minn Noel Galea Bason. Is‑settijiet, li l‑istampar tiegħu hu limitat għal 11,000 sett, huma ppreżentati f'blister pack illustrat u attraenti.
|