Il-Mitejn u Ħamsin Sena mit-Twelid ta' Beethoven
|
2020
|
|
Il-Mitejn u Ħamsin Sena mit-Twelid ta' Beethoven
|
 |
|
Beethoven twieled f’Bonn, probabbilment fis-16 ta’ Diċembru 1770. Hu meqjus bħala wieħed mill-aqwa kompożituri ta’ kull żmien. Il-mużika tiegħu timmarka l-qofol tal-istil klassiku tas-seklu tmintax u l-bidu ta’ era ġdida – ir-Romantiċiżmu. Ħajtu u l-mużika tiegħu influwenzaw ħafna kompożituri tas-seklu dsatax bħal Schubert, Mendelssohn, Liszt, Berlioz, Bruckner, Brahms u Wagner. Il-wirt mużikali ta’ Beethoven jinkludi madwar 240 kompożizzjoni, inklużi disa’ sinfoniji, opra, u diversi kunċerti bil-pjanu u kwartetti tal-kordi.
Il-munita, maħduma fir-Royal Dutch Mint, turi l-emblema ta’ Malta u s-sena tal-ħruġ – 2020 – fuq in-naħa ta’ quddiem. Fuq in-naħa ta’ wara tal-munita hemm rappreżentazzjoni ta’ Beethoven ibbażata fuq ix-xbieha ikonika li saret fl-1820 minn Joseph Karl Stieler.
Il-munita għandha valur nominali ta’ €10. Hi maħduma f’0.925 fidda, tiżen 28.28 gramma u għandha dijametru ta’ 38.61 millimetru. Il-munita ġiet iddisinjata u mnaqqxa minn Noel Galea Bason, u l-istampar tagħha hu limitat għal 1,500.
|
|
Tip
|
Denominazzjoni
|
Dijametru (mm)
|
Piż Gross (g)
|
Finezza
|
Disinjatur
|
Zekka
|
Stampar
|
|
Silver Proof
|
€10
|
38.61
|
28.28
|
0.925
|
Noel Galea Bason
|
Royal Dutch Mint
|
1,500
|