Il-Ħamsin Anniversarju tal-Bank Ċentrali ta' Malta
|
2018
|
|
Il-Ħamsin Anniversarju tal-Bank Ċentrali ta' Malta
|
|
|
|
|
Fis‑17 ta' April 2018, il‑Bank Ċentrali ta' Malta ċċelebra l‑ħamsin anniversarju tiegħu. Sabiex ifakkar dan l‑avveniment importanti, il‑Bank ħareġ muniti numiżmatiċi tad‑deheb u l‑fidda.
In‑naħa ta' quddiem tal‑muniti turi l‑istemma araldika ta' Malta flimkien mad‑denominazzjoni tal‑muniti. Fuq in‑naħa ta' wara tal‑munita hemm rappreżentazzjoni tal‑faċċata ta' Binja Laparelli, il‑binja l‑ġdida tal‑Bank li tinsab f'St James's Counterguard ġewwa l‑Belt Valletta. Il‑muniti juru wkoll il‑logo tal‑ħamsin anniversarju ddisinjat minn Michael Grech u Daniel Galea mill‑MCAST Arts and Design Institute. Partijiet mill‑munita tal‑fidda ġew miksija bid-deheb. Din hi l‑ewwel darba li teknika bħal din ġiet użata fuq muniti numiżmatiċi Maltin.
It‑twaqqif ta' bank ċentrali għal Malta kien wieħed mir‑rakkomandazzjonijiet li saru mill‑grupp ta' esperti tan‑Nazzjonijiet Uniti f'Jannar 1964. Ftit tax‑xhur wara, fil‑21 ta' Settembru 1964, Malta kisbet l‑indipendenza mill‑Gran Brittanja. Fl‑1967, abbozz ta' leġiżlazzjoni għat‑twaqqif tal‑Att dwar il‑Bank Ċentrali ta' Malta tmexxa mill‑parlament u għadda f'Novembru tal‑istess sena. Il‑Bank Ċentrali ta' Malta ġie stabbilit formalment fis‑17 ta' April 1968 bid‑dħul fis‑seħħ tal‑Att dwar il‑Bank Ċentrali ta' Malta.
|
|
Tip
|
Denominazzjoni
|
Dijametru (mm)
|
Piż Gross (g)
|
Finezza
|
Disinjatur
|
Zekka
|
Stampar
|
|
Fidda Proof
|
€10
|
38.61
|
28.28
|
0.925
|
Noel Galea Bason
|
Royal Dutch Mint
|
2,500
|
|
Deheb Proof
|
€100
|
26.00
|
15.00
|
0.999
|
Noel Galea Bason
|
Royal Dutch Mint
|
50
|