Il-Gvernatur Scicluna jindirizza l-120 Kumitat għat-Teknoloġija tal-Informazzjoni li sar f’Malta
Il-Gvernatur tal-Bank Ċentrali ta’ Malta, il-Professur Edward Scicluna indirizza l-ftuħ tal-120 laqgħa tal-Kumitat għat-Teknoloġija tal-Informazzjoni (ITC) li saret f’Malta bejn it-18 u l-20 ta’ Mejju 2022. Il-laqgħa tal-ITC ta’ din is-sena kienet l-ewwel laqgħa wara l-pandemija lil hinn minn Frankfurt u mtellgħa mill-Bank Ċentrali ta’ Malta.
Il-Gvernatur Scicluna enfasizza l-importanza tal-investiment f’teknoloġiji ġodda partikolarment fir-rigward ta’ pajjiżi bħal Malta li s-sopravivenza ekonomika tagħhom tiddependi fuq id-diversifikazzjoni tas-setturi ekonomiċi speċjalment dawk ġodda. Il-Gvernatur Scicluna qal li l-banek ċentrali qed jiffaċċjaw b’mod kostanti sfidi kontinwi u sostna li “il-futur tagħna huwa bbażat ħafna fuq it-teknoloġija u li naħdmu flimkien billi ninvestu sew f’teknoloġiji ġodda tgħinna nindirizzaw flimkien l-isfidi preżenti u futuri potenzjali.”
Ritratti: Mr Melvin Bugeja
Il-Gvernatur kellu wkoll laqgħa privata fil-Bank Ċentrali ta’ Malta mar-rappreżentanti tal-Bank Ċentrali Ewropew, Ms Claudia Plattner, Direttriċi Ġenerali tas-Sistemi tal-Informazzjoni u Mr Magí Clavé, Viċi Direttur Ġenerali tas-Sistemi tal-Informazzjoni.
Il‑Gvernatur tal‑Bank Ċentrali ta’ Malta, il‑Professur Edward Scicluna, Ms Claudia Plattner, Direttriċi Ġenerali tas-Sistemi tal-Informazzjoni u Mr Magí Clavé, Viċi Direttur Ġenerali tas-Sistemi tal-Informazzjoni waqt iż-żjara ta’ korteżija.
