Il‑Gvernatur tal‑Bank Ċentrali ta' Malta, il‑Professur Edward Scicluna, bħala Gvernatur għall‑Fond Monetarju Internazzjonali (FMI) u Gvernatur Alternattiv għall‑Grupp tal-Bank Dinji (WBG), ipparteċipa fil‑Laqgħat Annwali tal‑FMI/WBG. Il-Laqgħat saru f'Marrakesh, il-Marokk, bejn id-disgħa u l-ħmistax ta' Ottubru 2023. Il‑Gvernatur kien akkumpanjat minn Mr Alexander Demarco, Deputat Gvernatur tal‑Bank Ċentrali ta’ Malta. Il‑Gvernatur Scicluna kellu wkoll laqgħat mad‑Diretturi Eżekuttivi tal‑FMI u tal‑WBG rispettivament, ma’ rappreżentanti ta’ aġenzija ta’ klassifikazzjoni ewlenija, u ma’ għadd ta’ bankiera u bankiera ċentrali.

Il-Laqgħat Annwali tal-FMI/WBG iġibu flimkien bankiera ċentrali, istituzzjonijiet finanzjarji internazzjonali, ministri tal-finanzi u l-iżvilupp, eżekuttivi tas-settur privat, rappreżentanti minn organizzazzjonijiet tas-soċjetà ċivili u akkademiċi biex jiddiskutu materji ta' tħassib globali.

Id-diskussjonijiet fil-Laqgħat Annwali ta' din is-sena ffukaw dwar il-bini tar-reżiljenza, iċ-ċertezza ta' riformi trasformattivi, u t-tisħiħ mill-ġdid tal-kooperazzjoni globali. Fid-diskors tagħha d-Direttur Maniġerjali tal-FMI, Kristalina Georgieva, enfasizzat l-irwol importanti li l-Fond għandu jkollu biex jgħin lill-pajjiżi jagħrblu l-għażliet ta' politika u jsegwu t-tkabbir b'suċċess. Enfasizzat ukoll li l-għan għandu jkun "li jinbnew pontijiet għal tkabbir qawwi fil-futur li huwa kemm sostenibbli kif ukoll inklussiv".

Aqra iktar hawn.