Rokna tal-Gvernatur

Il-Gvernatur tal-Bank Ċentrali ta’ Malta f'Washington għal-laqgħat tal-FMI/Bank Dinji

Il-Gvernatur tal-Bank Ċentrali, il-Professur Edward Scicluna attenda l-Laqgħat tar-Rebbiegħa tal-2022 tal-Fond Monetarju Internazzjonali (FMI) u tal-Grupp tal-Bank Dinji (WBG) f'Washington D.C. li saru bejn l-20 u t-23 ta’ April 2022. Il-Gvernatur Scicluna attenda l-laqgħat uffiċjali tal-Kumitat tal-FMI (IMFC) fejn il-prospetti ekonomiċi, fiskali u finanzjarji globali u kif ukoll l-isfidi għas-snin li ġew diskussi fost il-gvernaturi tal-FMI minn madwar id-dinja.

Id-Deputat Gvernatur u l-Gvernatur flimkien mad-Direttur Eżekuttiv Domenico Fanizza u l-Konsulenta Annalisa Korinthios

Id-Deputat Gvernatur u l-Gvernatur flimkien mad-Direttur Eżekuttiv Domenico Fanizza u l-Konsulenta Annalisa Korinthios

Fil-marġini tal-laqgħat tar-Rebbiegħa tal-FMI, il-Professur Scicluna u Mr Demarco kellhom laqgħat u taħditiet ma' uffiċjali għolja taż-żewġ istituzzjonijiet finanzjarji internazzjonali ewlenin, inkluż id-Direttur Eżekuttiv tal-FMI, Domenico Fanizza, id-Direttur Eżekuttiv tal-Bank Dinji Matteo Bugamelli, id-Direttur tal-Pajjiż tal-Bank Dinji, Jesko Hentschel u d-Deputat Direttur fid-Dipartiment Ewropew, Mr Mahmood Padhan. Saru wkoll laqgħat mal-EUR Article IV Mission tal-FMI, ippresedut minn Mr Kotaro Ishi, il-World Bank Mission li taħdem fuq proġetti relatati ma’ Malta, u mal-ogħla uffiċjali minn aġenziji ta’ klassifikazzjoni ewlenin, Moody’s u Standard and Poor’s.

Governor's Quote