Il-Bank Ċentrali ta’ Malta nieda munita kommemorattiva taż-€2 bit-tema tal-Eroj tal-Pandemija, f’ċerimonja ppreseduta mill-Gvernatur Edward Scicluna u d-Deputat Prim Ministru u Ministru tas-Saħħa Chris Fearne.

Il-munita turi r-ritratt ikoniku ta' żewġ infermieri Maltin - Doreen Zammit u Charmaine Cauchi - meħud minn Diane Faenza, li hi stess infermiera fl-Isptar Mater Dei. Il-munita nħarġet biex tagħti ġieħ lis-settur tas-saħħa ta' Malta matul il-pandemija tal-COVID-19, speċjalment lill-frontliners.