Il-BĊE lest jaġixxi jekk iseħħ tfixkil fil-mekkaniżmu ta' trażmissjoni – Gvernatur Scicluna
Il‑Gvernatur tal‑Bank Ċentrali ta’ Malta, il‑Professur Scicluna, indirizza lill‑komunità finanzjarja ta' Londra inklużi membri tal‑akkademja f’seminar għal kelliema distinti f’Londra. Is-seminar, li għalih attendew aktar minn 80 parteċipant/a, ġie organizzat miċ-Ċentru Ewropew għall-Ekonomija u l-Finanzi tal-Università ta’ Londra fil-15 ta’ Ġunju 2022.
Id‑diskors tal‑Gvernatur kien segwit minn sessjoni ta’ mistoqsijiet u tweġibiet li kienet immexxija mill‑Professur Hannah Scobie, President taċ‑Ċentru Ewropew għall‑Ekonomija u l‑Finanzi tal‑Università.